Lawrlwythwch yr Adroddiad yr Arolwg yma >> (4MB pdf)

 

========================================

Cefndir

Ar ddechrau 2006, fe gynhaliodd Cyngor Gweithredu Gwirfoddol Cymru (y WCVA) arolwg o Wasanaethau Iechyd, Gofal Cymdeithasol a Lles (IGCaLl) y Sector Gwirfoddol ledled Cymru, gan gynnwys Sir Gâr.

Mae'r WCVA wedi rhannu'r wybodaeth a gasglwyd ganddynt ac, erbyn hyn, mae CAVS yn cynnal arolwg dilynol yn Sir Gâr, mewn partneriaeth â Phartneriaeth IGCaLl Sir Gaerfyrddin, Bwrdd Iechyd Lleol Sir Gaerfyrddin, WWAMH, a Gofal Cymdeithasol a Thai Sir Gaerfyrddin.

Dosbarthu'r holiaduron dilynol ganol mis Awst i'w dychwelyd ganol mis Medi

Mae'r holiaduron yn cael eu dosbarthu ar hyn o bryd, gan ddilyn ymlaen gyda mudiadau sydd wedi ymateb i arolwg gyntaf y WCVA. Fe fyddwn hefyd yn gofyn am wybodaeth gan grwpiau sydd, efallai, heb eu cynnwys yn arolwg y WCVA. Rydyn ni'n gofyn am i'r holiaduron gael eu dychwelyd erbyn Dydd Gwener, Medi 15fed 2006.

 

Cwmpas arolwg y WCVA

Cwmpas yr arolwg dilynol

Canlyniadau'r ddau arolwg

Cwmpas arolwg y WCVA

• Natur a chwmpas y gwasanaethau a ddarperir
• Cyllidebau gwasanaethau a ddarperir
• Ffynonellau nawdd
• Aelodau'r gweithlu sy'n cael cyflog ac aelodau gwirfoddol, a'r oriau y maen nhw'n eu gweithio
• Gweithgareddau gwirfoddolwyr
• Gwerth ychwanegol darpariaeth gwasanaeth y sector gwirfoddol
• Effaith economaidd.

Cwmpas yr arolwg dilynol

• Niferoedd y bobl a gafodd help / sy'n cymryd rhan yn y gwasanaethau / gweithgareddau, a ble maen nhw'n byw (i gael gorolwg o ardaloedd daearyddol nad ydynt eisoes yn cael eu cynnwys yn y gwasanaethau).
• Cynlluniau sydd gan grŵp gwirfoddol / cymunedol i ymestyn (h.y. gwneud mwy o'r un peth) neu greu prosiectau / gwasanaethau newydd.
• Y rhwystrau, os oes rhwystrau, i ddatblygu gwasanaethau newydd.
• Sut mae defnyddwyr gwasanaethau / aelodau yn gwybod am fudiadau.
• A yw mudiadau'n ymwybodol o Strategaeth Iechyd, Gofal Cymdeithasol a Lles Sir Gaerfyrddin 2005-2008, a sut mae eu gwasanaethau cyfredol / sut bydd eu gwasanaethau sydd wedi eu cynllunio yn helpu cyflwyno'r strategaeth.
• Beth yw'r canfyddiad o lefel gyffredinol y ddealltwriaeth o'r sector gwirfoddol ymhlith y Bwrdd Iechyd Lleol a Gwasanaethau Cymdeithasol.

Canlyniadau'r ddau arolwg

Defnyddir canlyniadau'r ddau arolwg i:

• Lunio cyfeirlyfr o wasanaethau'r sector gwirfoddol lleol
• Bwydo'r broses o gynllunio a datblygu gwasanaethau sydd wedi eu blaenoriaethu yn Strategaeth IGCaLl Sir Gaerfyrddin 2005-2008.

Nôl i'r brig