Cynllun Estyn Llaw

Sefydlwyd Cynllun Estyn Llaw yn 2000 er mwyn cefnogi mudiadau gwirfoddol a chymunedol i ddatblygu dwyieithrwydd ac er mwyn hybu gwirfoddoli ymysg siaradwyr Cymraeg.

Gall Estyn Llaw gynnig cyngor, cefnogaeth ac hyfforddiant i fudiadau gwirfoddol a chymunedol i gynyddu eu defnydd o’r Gymraeg. Mae’r Cynllun hefyd yn gyfrifol am godi ymwybyddiaeth ymysg siaradwyr Cymraeg am gyfleoedd gwirfoddoli ffurfiol gyda mudiadau sydd yn brin o wirfoddolwyr dwyieithog.

Mae gwaith Estyn Llaw yn rhan o agenda ehangach i sicrhau y cynigir dewis iaith Gymraeg effeithiol i’r cyhoedd ym mhob agwedd ar fywyd yng Nghymru.

Noddir y Cynllun gan gyrff cyhoeddus a derbynnir grant gan Lywodraeth Cynulliad Cymru trwy Fwrdd yr Iaith Gymraeg. Fe’i rheolir gan Iaith Cyf.

Am wybodaeth pellach, cysylltwch â Elin Mair Griffiths, Swyddog Prosiect Estyn Llaw, Uned 3, Parc Busnes Aberarad, Castell Newydd Emlyn, SA38 9DB. Ffôn 01239 711668 Ebost elin.mair@cwmni-iaith.com, gwefan www.estynllaw.org.